jan sin li kama tan mama la
mama o kepeken nimi seme pi toki-pona
tawa ona

sijelo ona li lili mute la
  ona li jan-lili
  anu seme

tenpo mute la jan li kepeken nimi ni^

taso mi lukin e nimi ni kin
   te jan kili to

ni li musi
  li pona
  tawa mi

kasi li mama tawa kili
jan li mama tawa jan-kili

ni la
  te jan-kili to li nimi pona

nimi seme ante li ken

ona li pilin pona
  li musi pona
  li sitelen pona la
    ona li jan-pona

ona li musi mute mute la
  ona li jan-musi

ona li tawa kepeken wawa mute la
  ona li jan-wawa a

ona li suwi lukin la
  ona li jan-suwi

ona li wile moku e suwi taso la
  ona li jan-suwi kin a

sina olin mute e ona la
  ona li olin sina

ona
  li mu li mu li mu
    li mu li mu li mu
      li mu li mu li mu la
  o toki
      te soweli o kama moku
        pan sina li kama lete a to

ona li tawa wawa e luka ona
  li wile tawa lon sewi
  li wile moku e pipi linja
        e sike kasi
        e kala lili la
  o toki
      te waso nasa o anpa tan supa a to

uta ona li pana e kalama nasa la
  luka ona li tawa nasa la
    nasin ona li nasa nanpa wan pi ma ale la
  o toki
      te nasa o
        tenpo lape li kama to
  anu
      te suwi nasa o kama lon poka mi
        mi o tawa esun to

ona li pini pali e tomo suli lon tenpo lili la
  o toki
      te ilo wawa o kama lukin
           e lipu lon poka mi to

ona li ken jan-alasa
  li ken jan-sitelen
  li ken jan-sike
  li ken jan pi weka-seli
  li ken jan-pakala
  li ken jan pi lawa-jaki
  li ken monsuta nasa
  li ken akesi wawa
  li ken soweli lili
  li ken kasi suli

toki-pona la
  mute mute mute li ken