moku li pona mute tawa jan Mokute.

lon la, jan Mokute li olin e moku. ona li moku mute la, ona li kama suli mute.

ike la, ona li kama suli mute la, ona li wile moku mute mute.

ona li wile moku mute mute la, ona li moku mute mute mute.

ona li moku mute mute mute la, ona li kama suli mute mute mute.

sike ike li lon.

tomo pi jan Mokute en jan Mokute li sama lukin.

musi la, tomo ona li suli.

suno li kama la, jan Mokute li pini lape lon tenpo lili.

sama tenpo ale la, ona li lape la, sitelen moku li lon lawa ona. ona li pini lape la, ona li wile moku tan ni.

ni la, jan Mokute li weka tan supa lape ona, li tawa tomo moku. ona li moku e moku wawa pi lape pini.

jan Mokute li moku e moku ni pi lape pini:

PAN -- kipisi tu
PAN SIKE LILI -- poki moku wan
TELO WALO -- poki telo wan
SUWI -- poki suli wan
PAN -- kipisi tu wan
SIKE MAMA -- ona li seli kepeken telo seli; tu wan
PAN -- kipisi tu tu
KO PI TELO WALO -- poki moku wan
KO KILI -- poki telo wan

moku pi suli mute li pini la, jan Mokute li awen lon supa monsi ona. ona li pana e uta pi pilin pona mute. ona li toki insa.

ona li toki e ni: "moku ni li moku pi pona wawa! tenpo pi suno wawa la, mi kama moku e seme?"

ona li wile moku mute lon tenpo pi suno wawa. ni la, ona li kama tawa mute.

tenpo ni la, jan Mokute li tawa, li tawa, li tawa mute.

ona li lukin e lupa ma sin.

ona li toki insa e ni: "musi a! tenpo pini la, mi lukin ala e ni lon ma ni."

sona li pona tawa jan Mokute la, ona li kama lukin lon insa pi lupa ma.

ona li lon lupa ma. pimeja li lon.

lon insa la, ona li lukin e ni: leko suli suli li lon, li nasin sewi.

sona li pona tawa jan Mokute la, ona li tawa lon sewi ona.

leko ni li ike tawa jan Mokute. taso, ona li kepeken wawa ale ona la, ona li lon sewi.

lon sewi la, ona li lukin e lupa.

jan Mokute la, lupa ni li suli suli suli. lupa la, nasin lili li lon.

sona li pona tawa jan Mokute la, ona li wile lukin e ijo pi poka ante.

jan Mokute li tawa lon nasin lili lupa. poki ante lupa la, ona li lukin e ijo pona mute.

tomo suli suli suli li lon!

supa anpa li suli sama ma pi kasi pan.

supa moku li suli sama tomo. supa monsi li suli sama kasi.

jan Mokute li pilin e ni: ona li lili lili.

ona li pilin nena e kon.

sewi pi supa moku suli ni la, kon moku pi pona mute mute li lon.

jan Mokute li pilin nena kin e kon moku. ona li wile e ni: ona li lon supa moku ni. ona li tawa sewi kepeken noka pi supa monsi suli.

ni li ike, li kepeken tenpo mute. taso, pini la, jan Mokute li lon supa moku.

ale li suli suli suli.

poki pi namako walo en poki pi namako pimeja li lon poka pi jan Mokute la, jan Mokute li lili.

poki kili li lon supa moku. jan Mokute li wile e ni: ona li kama luka e kili loje jelo.

jan Mokute li jan Mokute la, ona li uta lili e kili loje kin.

pini la, ona li lukin tawa poka ona.

mama pi kon moku pona li lon poka ante pi supa moku.

poki moku suli, suli, suli li lon.
lon poki moku la, moku soweli linja suli, suli, suli li lon. ona li suli sama leko len lape.
kili ma suli, suli, suli li lon kin. ona li suli sama sike pi musi noka.
kili lili laso suli, suli, suli li lon kin. ona li suli sama kili sike pi lipu kasi.

jan Mokute li tawa poki moku pi poka ante kepeken wawa. jan Mokute li jan Mokute la, ona li kama moku.

tenpo ni la, pimeja jan li kama lon poki moku. jan Mokute li kama lon luka suli suli suli. ona li lukin e oko pi jan suli suli suli.

jan suli suli suli li toki wawa e ni: "SINA JAN SEME?"

jan Mokute li pilin monsuta mute la, ona li ken mu lili taso e nimi ona. ona li mu lili: "jan Mokute."

jan suli suli suli li pana e kalama musi wawa. kalama li wawa sama wawa sewi. ona li toki: "NIMI SINA LI SAMA 'MOKU MUTE'. LON SINA LI SAMA 'MOKU MUTE'. JAN MOKUTE O KAMA SONA E NASIN PONA."

ona li kama sona mute.

jan suli suli suli li wile e ni: jan Mokute li moku e ale pi poki moku suli, suli, suli.

jan Mokute li pini la, ona li pilin ike, li pilin e ni: sijelo ona li kama pakala lon tenpo lili.

jan suli suli suli li toki kepeken wawa lili. "o toki e ni: tenpo kama la, sina moku ala moku mute?"

jan Mokute li toki "a, ala. toki mi li lon!"

jan suli suli suli li toki: "pona. sina ken weka."

jan Mokute li anpa tan supa moku. ona li tawa lon lupa la, sijelo ona li pilin suli. ona li pilin ike mute.

tan tenpo ni la, toki pi jan Mokute li lon.

o sona kin e ni: tenpo ni la, jan Mokute li suli lukin ala.

tenpo ni la, ona li lili lukin. ni li pona tawa ona, anu seme?

sina sona e jan pi moku mute sama jan Mokute la, sina o toki e seme tawa ona?

jan suli suli suli li ike!